já muriel síðan er enn einu sinni komin á fullt skrið. Bloggmeistarinn skammast sín vissulega fyrir það að vera alltaf að hætta í bransanum fyrir fullt og allt en líkt og Celine Dion láta aldrei verða af því, þetta er eflaust óþolandi fyrir mína yndislegu og heittrúðu lesendur og vonandi bregst ég ykkur ialdrei framar.

Margt hefur drifið á daga mína síðan ég hætti að blogga en það sem gerðist í gær eru gamlar fréttir í dag og þar af leiðandi ekki þess verðar að eyða pikki og striti í.

Mér finnst persónulegur sigur að hafa lifað af vinnudaginn í dag. Ég hef lítið sofið í vikunni enda að vinna í þremur störfum nótt sem dag, auk þess dró Rakel (verðandi atvinnumanneskja og vinkona mín ) mig upp á Esjuna í gær og mig sárverkjar í öllum vöðvum líkamans. Það er þó bót í máli að ég held að ég sé að fara að vinna Garpa gönguskó í vikulega Esjuhappdrættinu sem þeir sem komast á toppinnn geta tekið þátt í - vinnudagurinn var eins og áður sagði mjög svo strembinn en í lok dagsins fékk ég þó hina ávalt kærkomnu rúsínu sem er kennd við pylsuendann en það var enginn annar en Ólafur Sigurðsson fréttamaðurinn góðkunni sem gaf sig á tal við mig og gaf mér gott heilræði sem ég mun hafa með mér út í lífið hann sagði orðrétt
"það að spara er eins og að fara í megrun, þetta snýst um að vera aldre með pening né óhollan mat í kringum sig"

já krakkar mínir kveð ykkur að sinni og bendi á að þetta er fyrsta færslan þar sem nýja nafnið fær að njóta sín kv Elín Hrefna.